Fréttir frá Rotterdam
fimmtudagur, apríl 21, 2005
|
Það var góð stemning þegar leikurinn var að byrja. Feyenoord komst yfir á þriðju mínútu og jók það heldur betur á stemninguna. Því var það skítt að PSV skyldi jafna á 89. mínútu og vinna í vítaspyrnukeppni
miðvikudagur, apríl 20, 2005
Nú er fjör! Í kvöld ætlum við Kolbjörn á fjórðungsúrslit Amstelbikarkeppninni í fótbolta milli Feyenoord frá Rotterdam og PSV Eindhoven. Leikurinn verður háður á heimavelli Feyenoord, De Kuip, og er laungu búið að selja alla 50 þúsund miðana. Það voru reyndar einhver ólæti eftir heimaleik Feyenoord gegn Ajax frá Amsterdam, en ólíklegt er að eitthvað slíkt hendi í kvöld enda PSV ekki sömu fjendur Feyenoord kappanna og Ajax. Í öllu falli erum við í fjölskyldustúkunni sem er algjörlega laus við hyski.
Kolbjörn náði þeim merka árangri að taka Zvemdiploma B. Nú á hann bara eftir að taka Zvemdiploma C og þá telst hann fullsyndur samkvæmt hollenskum stöðlum sem eru býsna strangir.
Fór á ströndina um daginn að æfa gamla takta. Er bara ansi lúnkinn að halda bolta á lofti. Gat 60 sinnum um daginn sem er nóta bene meira en Bjöggi gat. Bjöggi þessi átti heima á móti mér í barnæsku, hann gat haldið bolta 53svar á lofti þegar hann var tíu ára, hef hingað til bara heyrt lygasögur um að einhver hafi getað meira en hann.
fimmtudagur, apríl 07, 2005
Við fórum út að borða um daginn í Euromast í Rotterdam. Þaðan er frábært útsýni yfir borgina, sérstaklega þegar það er eins gott veður eins og þegar við fórum. Kolbjörn uppgötvaði nýjan hæfileika, sem er að festa skeiðar á andlitiið á sér. Hann fattaði uppá þessu eftir að hafa skoðað heimsmetabókina en þar var að finna strák sem gat haldið þrettán
